DE CANDO BREOGÁN CHEGOU Ó SEU FOGAR

A tradición irlandesa sitúa a Breogán coma o rei celta de Galicia. Fillo de Brath, créese que Breogán chegou ás nosas terras dende Exipto, fuxindo das súas famosas pragas. Xa en Galicia fundou Brigantia, a actual cidade de A Coruña. Alí, fixo construír un faro que máis tarde  os romanos converterían na “Torre de Hércules”. Nas inmediacións da Torre incluso hai unha estatua que homenaxea ó ancestral rei. A chegada de Breogán a Galicia levou consigo unha riada de cultura a todo o territorio. Lembremos que os celtas non utilizaban a escritura e transmitían tódalas súas tradicións de maneira oral. Isto facía que lenda e realidade se mesturasen constantemente, o que en Galicia dou lugar ó inicio dunha riquísima tradición mitolóxica. Máis célebre, si cabe, grazas ó poema de Eduardo Pondal, Breogán ficou para sempre reflectido no Himno Galego, na estrofa máis célebre dos “Queixumes dos pinos”.