Poucos barrios coñecemos onde a pegada mariñeira permaneza tan marcada coma no barrio vigués do Berbés. Arredor do ano 1700 o Berbés acollía ós mariñeiros de Redondela, o cal dou lugar ó nacemento da cidade de Vigo.
O Berbés no ano 1886.
A venda de sardiñas, así como outras actividades pesqueiras incentivaron o despegue económico da cidade. Moi características son as fachadas dos seus edificios, cós seus emblemáticos soportais e os seus arcos construídos con granito. No Berbés tamén podemos ver unha disposición das vivendas en diferentes niveis, cousa esta pouco habitual, especialmente en barrios urbanos.
Disposición das vivendas en distintos niveis.
Pero o paso dos anos, a propia intensa actividade do barrio e seu progresivo afastamento do mar a causa dos continuos recheos, deron lugar á decadencia e á degradación do barrio. A partir de 1925 toma o aspecto que hoxe coñecemos, coa construción dunha pequena alameda que o separa do porto.
O barrio do Berbés na actualidade.
Pero no Berbés sempre quedou algo daquel esplendor, porque nunca se puido negar a súa sempre presente vida mariñeira. En 2010 iniciouse un plan de recuperación do Berbés, a través da rehabilitación das súas características fachadas.
AGUAMORTA 