Paolo Rossi sostendo a Copa do Mundo (Imaxe: La Gazzeta dello sport)
Cando un país acolle unha competición deportiva póñense en xogo numerosos intereses para as cidades que son designadas sedes. Son días nos que tódalas miradas estarán postos nos equipos participantes, e consecuentemente, tamén nas cidades nas que se hospedarán. Cantas máis posibilidades teña o equipo de gañar o campionato, máis resoará o nome da cidade en cuestión arredor do mundo.
Neste senso, Pontevedra foi a gañadora do premio gordo durante o mundial de España 82. A selección italiana, sempre favorita nas competicións futbolísticas, hospedouse alí durante a celebración da primeira fase do campionato, que tivo lugar no estadio de Balaídos de Vigo.
A “squadra azzurra” aloxouse no Parador e os xogadores acostumaban a dar paseos pola zona vella, ante as atentas miradas da xente.
A revelación naquel mundial foi Paolo Rossi, que tras unha máis que discreta actuación durante a primeira fase (igual que todo o equipo italiano), sorprendeu ó mundo marcando un “hat – trick” á sempre poderosa selección brasileira.
A final foi disputada entre Italia e Alemaña Federal, cun resultado definitivo de 3 goles a 1. De seguro, moitos dos seareiros que aquel día celebraron aquela vitoria, non esqueceron xamais a cidade do Lérez.
AGUAMORTA 