O PEIRAO DOS CARCAMÁNS. O COMEZO DA LENDA

Son un complexo rochoso de cons arremuiñados nunha fila que vai entrando no mar. Formas caprichosas, redondeadas e alegres, cómo non podía ser doutra maneira, nun lugar onde ataca con forza o vento do norte en distintas direcións, o mesmo que a ondaxe, as dúas forzas xuntas que van desgastando e erosionando as zonas más febles do duro granito. Unha natureza salvaxe, pois, é a que esculpe ó “Peirao dos Carcamáns”.

Imaxe

Có tempo, acabou atrapado entre os dous peiraos do Chufre, entre barcos mexilloeiros por unha parte, e barcos en reparación pola outra. E por riba, discurre o tráfico pesado do novo acceso ó porto. E é que dous séculos dan para moito. Pero o que nunca cambia é a súa condición de abrigo natural, tanto antes, cando non se dispoñían de grandes infraestructuras, como hoxe en día, no que aínda son moitas as barquiñas modestas que aproveitan o seu abrigo.

Imaxe

Todo comezou na Guerra da Independencia, rematada en Galicia en 1809. A Illa de Arousa fora escollida como lugar de descanso e subministro de roupa, comida e armas ós combatentes en Vigo e arredores. Eran xentes sinxelas as que facían estas actividades heroicas e imprescindibles na resistencia contra os franceses.

Logo, a Guerra rematou, e aquela pequena Illa de apenas 400 habitantes ficou soa, igual que o resto do territorio, sumida nunha profunda depresión económica e social de posguerra. Todos os estamentos estaban desmantelados, logo de que todos os esforzos foran a parar ó eido militar para derrotar ós franceses. Eran tempos de fame e o traballo do mar non daba nin para subsistir.

Imaxe

Así comezan a xurdir actividades de contrabando. De feito, contrabandistas e carcamáns son palabras sinónimas, coa única diferencia de que os carcamáns eran os que exercían esta actividade na Illa e os contrabandistas eran todos os demáis. Iso si, é moi importante non caer no erro de asociar nin comparar a aqueles carcamáns cós contrabandistas de hoxe. Como se ve, eran mundos e contextos moi diferentes, ademáis de non existir continuación temporal que nos leve a pensar que os contrabandistas modernos sexan dignos herdeiros dos nosos antepasados carcamáns.

Os carcamáns comerciaban con productos de primeira necesidade principalmente, sempre tan escasos en épocas de posguerra. Adoitaban desembarcar nun abrigo natural que pronto tomou o seu nome, chegando ata os nosos días como o “Peirao dos Carcamáns”. Existen unha manchea de casos documentados, de homes e mulleres (moi sorprendente o elevado número de mulleres) con nomes e apelidos que acabaron detidos por exercer estas prácticas. Na maioría dos casos, como o último chanzo, o máis débil, dun entramado moito máis complexo que adotiaba ter detrás a comerciantes de Vilagarcía, moitos de orixe catalá.

Imaxe

Agora, dous séculos despois, o apelativo “carcamán” é algo có que nos identificamos todos. Houbo moitas épocas nas que a xente, para entendernos, “de fóra” o utilizaba có animo de insultarnos ou ofendernos. Pero coa habilidade de poder darlle a volta a todo que temos (algo que se nos da tan ben como a poucos ós da Arousa), os carcamáns chegamos ó presente simbolizando todo canto positivo pode haber neste pobo, e sen negar o pasado, algo imprescindible para camiñar cara o futuro.

Unha resposta a “O PEIRAO DOS CARCAMÁNS. O COMEZO DA LENDA

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s